Friday, 4 August 2017

 RAIA wa Rwanda, wamepiga kura leo Agosti 4, 2017 kumchagua rais wao, amba[o wadadisi wa mambo wanabashiri kuwa Rais aliye madarakani, Paul Kagame(pichani) ataibuka mshindi na hivyo kushika madaraka kwa kipindi cha tatu cha miaka saba.
Uchaguzi huo umeripotiwa kufanyika katika hali ya utulivu na kwa mara ya kwanza umeshirikisha wagombea wengine wa upinzani Bw. Frank Habineza kutoka chama cha kijani (Green Party) na mgombea huru Bw.Philippe Mpayimana.
Rais Kagame amesifika kwa kurejesha utulivu kwenye taifa hilo dogo lenye idadi ya watu zaidi kidogo ya milioni 10 baada ya kushuhudia mauaji ya halaiki ya mwaka 1994, ambapo watu wanaofikia milioni moja waliuawa katika mapigano ya kikabila kufuatia majeshi ya RPF yaliyokuwa yakiongozwa na Kagame wakati huo akiwa kiongozi wa vita vya msituni kumng'oa Rais wa wakati huo Juvenal Habyarimana.
Mauaji hayo yaliibuka muda mfupi baada ya ndege iliyowachukua Rais Habyarimana na mwenzake wa Burundi Cyprien Ntaryamira, kudungukiwa wakati ikijianmdaa kutua kwenye uwanja wa ndege wa Kigali. Marais hao walikuwa wakitokea jijini Arusha kuhudhuria mazungumzo ya kuleta amani kwenye mataifa hayo mawili ya Rwanda na Burundi.
Rais Kagame an chama chake cha RPF, aliingia madarakani na kwa kiasi kikubwa Rwanda imekuwa tulivu tangu achukue mamlaka ya uongozi licha ya malalamiko ya hapa na pale ya kwamba anakandamiza upinzani na hataki kukosolewa.
Wafuasi wa Rais Kagame wakiserebuka wakati wa mikutano ya kampeni
 Bw. Frank Habineza mgombea kutoka chama cha upinzani Green Party.
 Mgombea huru Bw.Philippe Mpayimana.
 Mwananchi wa Rwanda kipiga kura yake mapema leo Agosti 4, 2017
 Kwa utulivu kabisa wananchi wakiwa kwenye foleni tayari kupiga kura leo asubuhi Agosti 4, 2017.

Reactions:

0 comments:

Post a Comment