Monday, 12 June 2017


 Rais wa Jamhuri ya Muungano wa Tanzania, Dkt. John Pombe Magufuli, akizungumza muda mfupi baada ya kupokea ripoti ya pili ya uchunguzi wa mchanga wa madini (makinikia) kwenye makontena Ikulu jijini Dar es Salaam leo Juni 12, 2017. Akiongea kwa hisia kali, Rais aliwaambia watanzania "Nimejitolea damu yangu kwa ajili ya taifa letu, siwezi kukaa kimya huku rasilimali ambazo tumejaaliwa na Mungu, zikiporwa tu.". Katika ripoti hiyo ya Profesa Nahemiah Osoro, imebaini kuwa taifa limepoteaza kiasi kinachozidi Trilioni 300 kutokana na rasilimali zitokanazo na madini tangu mwaka 1998 kazi ya uchimbaji madini ilipoanza kwenye migodi ya Bulyanhulu mkoani Kahama, na kufuatiwa na Buzwagi na North Mara ambayo kwa sasa inamilikiwa na kampuni ya Acacia. Taarifa hiyo imependekeza mawaziri wote wa zamani waliohudumu kwenye wizara ya Nishati na Madini, Mhe. Danel Yona, Mhe. Nazir Karamagi, Mhe. William Ngeleja, makatibu wakuu wa wizara hiyo, wanasheria wa wizara, wanasheria wakuu wa serikali wastaafu, Andrew Chenge, na Mwanyika wahojiwe na vyombo vya ulinzi na usalama na ikibainika walikiuka sheria wafikishwe mbele ya vyombo vya sheria. Hata hivyo katika taarifa yake iliyotoa jioni ya Juni 12, 2017, Kampuni ya Acacia imekosoa taarifa hiyo ya uchunguzi ya tume ya pili ya Rais na kusisitiza Acacia haijavunja sheria yoyote ya nchi na imekuwa ikifanya shughuli zake kwa mujibu wa mikataba baina yake na serikali.



 Rais an Makamu wa Rais, mama Samia Suluhu Hassan, wakipitia ripoti hiyo
 Rais akimkabidhi nakala ya ripoti hiyo, Waziri Mkuu, Mhe. Kassim Majaliwa
 Picha ya pamoja
Baadhi ya wageni waalikwa
MATU1
Rais wa Jamhuri ya Muungano wa Tanzania Dkt. John Pombe Magufuli akipokea Taarifa ya Kamati ya pili ya Uchunguzi wa Madini yaliyo kwenye makontena yenye mchanga unaosafirishwa nje ya nchi kutoka kwenye machimbo ya madini sehemu mbalimbali hapa nchini kutoka kwa Mwenyekiti wa Kamati hiyo Profesa Nehemiah Osoro Ikulu jijini Dar es Salaam.PICHA NA IKULU
MATU2
Rais wa Jamhuri ya Muungano wa Tanzania Dkt. John Pombe Magufuli akiwa na Waziri Mkuu Kassim Majaliwa wakiangalia Ripoti hiyo ya Kamati ya pili ya Uchunguzi wa Madini yaliyo kwenye makontena yenye mchanga unaosafirishwa nje ya nchi kutoka kwenye machimbo ya madini sehemu mbalimbali hapa nchini wakati ikifunguliwa kwenye kabrasha
MATU3
Rais wa Jamhuri ya Muungano wa Tanzania Dkt. John Pombe Magufuli akionesha Ripoti hiyo ya Kamati ya pili ya Uchunguzi wa Madini yaliyo kwenye makontena yenye mchanga unaosafirishwa nje ya nchi kutoka kwenye machimbo ya madini sehemu mbalimbali hapa nchini mara baada ya kukabidhiwa Ikulu jijini Dar es Salaam. Kushoto ni Makamu wa Rais Samia Suluhu Hassan na kulia ni Waziri Mkuu Kassim Majaliwa wakishuhudia.
MATU4
Rais wa Jamhuri ya Muungano wa Tanzania Dkt. John Pombe Magufuli akizungumza mara baada ya kukabidhiwa Ripoti hiyo ya Kamati ya Pili ya Uchunguzi wa Madini Ikulu jijini Dar es Salaam.
MATU5
Rais wa Jamhuri ya Muungano wa Tanzania Dkt. John Pombe Magufuli akiwa amesimama na Makamu wa Rais Samia Suluhu Hassan, Waziri Mkuu Kassim Majaliwa, Spika wa Bunge Job Ndugai, Kaimu
Reactions:

0 comments:

Post a Comment