Wednesday, 29 March 2017

Chama cha Mapinduzi (CCM) kimetangaza majina ya wanachama wake 12 walioteuliwa kugombea ubunge wa Bunge la Afrika Mashariki, uchaguzi unaotarajiwa kufanyika kwenye mkutano wa Bunge unaoanza Aprili 4, 2017 mjini Dodoma. Wanachama wa CCM zaidi ya 400 walijitokeza kuwania nafasi hiyo idadi ambayo inatajwa kuwa ni kubwa kuwahi kutokea. Miongoni mwa majina makubwa yaliyotupwa nje ya uteuzi huo ni pamoja na Mhe. Shy-Rose Bhanji, ambaye alikuwa akiwania kwa muhula wa pili, na Mhe. Angella Kizigha naye pia alikuwa akiwania kwa mara ya pili. Hata hivyo wenzao Mhe. Makongoro Nyerere na Mhe. Adam Kimbisa wameteuliwa kuwania nafasi hiyo kwenye mkutano huo wa bunge wa unaoanza Aprili hii.

Akisoma majina hayo leo wakati wa Mkutano na waandishi wa habari, Katibu wa Itikadi na Uenezi wa CCM, Humphrey Polepole amesema kuwa wameteua wananchama hao miongoni mwa wengi zaidi ya 400 waliokuwa wamechukua fomu kugombea nafasi hizo.

Mchanganuo
Miongoni mwa wabunge 9 watakaokwenda Bunge la Afrika Mashariki kuiwakilisha Tanzania, 6 watatoka CCM. Kufuatia idadi, hiyo CCM imesema kuwa itatoa wabunge watatu wa kiume na watatu wa kike ambapo miongoni mwao wanne watatokea Tanzania Bara na wawili watatokea Tanzania Visiwani.

Walioteuliwa kugombea nafasi hizo ni;

Wanawake Tanzania Bara;
  1.     Zainabu Rashid Mafaume Kawawa
  2.     Happiness Elias Lugiko
  3.     Fancy Haji Nkuhi
  4.     Happiness Ngoti Mgalula
Wanaume Tanzania Bara;
  1.     Dkt Ngwaru Jumanne Maghembe
  2.     Adam Omari Kimbisa
  3.     Anamringi Issay Macha
  4.     Charles Makongoro Nyerere
Wanawake Zanzibar;
  1.     Maryam Ussi Yahya
  2.     Rabia Abdallah Hamid
Wanaume Zanzibar;
  1.     Abdallah Hasnu Makame
  2.     Mohammed Yussuf Nuh
Miongoni wa wagombea hawa 12, Bunge litapiga kura kuchagua wabunge sita watakaoiwakilisha Tanzania kwenye Bunge la Afrika Mashariki kwa tiketi ya CCM.
Reactions:

0 comments:

Post a Comment